ဒါရိုက်တာ

မျိုးစေ့လည်းမှန် အပင်သန်လျက်
အလွမ်းသာပွင့်တတ်မယ်မှန်း
ဟိုး…..အစကတည်းကသိရင်
ဒီပန်းအိုး ငါမပျိုးခဲ့ပါဘူး….

ရိုက်ကွင်းပေါ်က လပ်ဗ်ဆင်းန်လို
`ကတ်´ဆို…
ချက်ချင်းကြီးလည်း
နင်ပြောင်းလဲတတ်တာပဲနော်…

နင်ကိုယ်တိုင်ရေးတဲ့ဇာတ်ညွှန်း
ဆေးစွန်းရာ အရုပ်ထင်ချင်သူကို…
သရုပ်မှန်စင်တင်ခွင့်လေးတောင်
မပေးနိုင်ဘူးလား…
ရုပ်ရှင် ဒါရိုက်တာကြီးရယ်…

အပေါစား အချစ်တွေ တန်ဆာဆင်
မာယာခွင်နဲ့ လှည့်စား
ဥပေက္ခာတွေကလည်း
ခမ်းနားလိုက်တာ....

ဆန်းပြားမှုတွေသိမ်းလှောင်
ပိန်းပိတ်အောင်မှောင်တဲ့
ဒီ...အစိမ်းရင့်ရောင်အလွမ်းဇာတ်မှာ
`````ကတ်´´´´´ ………လို့
နင်မဆိုလိုက်ခင်…
အားရအောင် …
ငါ….. ငိုရှိုက်ပါရစေ…