မတော်တဆ

မတော်တဆ အကြည့်ချင်းဆုံတဲ့ပွဲမှာ
ကျွန်မ နှလုံးသား ရှဲကနဲ ကျက်သွားတယ်
ပါးပြင်ပေါ်ကမွှေးညှင်းနုတွေ အသဲအမဲထိုးထိုးထောင်…
ကိုယ့်ကိုယ်ကိုယ်တောင် မသိလိုက်ဘူး
မတော်တဆ အငိုက်မိသွားတယ်…

သူ့နံရိုးဖြစ်ချင်ဇောနဲ့ ပန်းသီးကို အမောတကောအကိုက်
မတော်တဆပါပဲ…
သူ့သဘောအတိုင်းလိုက်မယ့် ယုန်တစ်ကောင်ဖြစ်သွားပြန်ရော…
မာနတွေကို သက်ပြင်းတစ်ချက်နဲ့အတူ
`ဟင်း´ ကနဲ လွှတ်ချပစ်လိုက်တော့
ပန်းနုရောင်စစ်စစ် အိမ်မက်သစ်တစ်ခုရတယ်…
အဲ့ဒီမှာ သူက ရိုမီယိုပေါ့….

ဦးချစ်နိုင်နဲ့ တက္ကသိုလ်ဘုန်းနိုင်
မောင်လှမျိုးနဲ့ ရာဘင်ဒြာနတ်တဂိုး
သူကြိုက်တာမျိုးကိုမှ ကျွန်မ ကိုးစားတတ်လာတယ်
သူ့နှုတ်ကစေရင်လေ
သေပစ်လိုက်ဖို့တောင် ၀န်မလေးဘူး သိလား

အဲ့ဒီလို…
အရှုံးပေးပါတယ်လို့ နှလုံးသွေးနဲ့ရေးပြတာတောင်
အပြုံးလေးတစ်ပွင့်ခြွေဖို့အရေး
နေကြတ်တာကို စောင့်ချင်သေးတယ်ဆိုတဲ့
သူ့အတ္တနဲ့ ခလုတ်အတိုက်မှာ
ကျွန်မ…ရင်ခုန်ရဲတိုက်လေး….
မတော်တဆ(မတော်တဆ)…..ကျကွဲသွားတယ်…